Dende a UNED Ourense anuncian unha nova edición do Curso de Introdución á Computación Cuántica, que terá lugar no centro universitario do 17 de febreiro ao 31 de marzo. Este curso achegará conceptos de información e criptografía cuántica. Entre os contidos figura unha introdución aos conceptos que se necesitan de álxebra lineal e mecánica cuántica, precisos para afrontar o curso. Ao ser un ciclo de introdución, as aplicacións que se tratan son exemplos sinxelos.

Regresan este mes de febreiro os históricos encontros JAI (Xornadas sobre Tecnoloxías e Solucións para a Automatización Industrial) da UVigo tras dúas décadas unindo o mundo profesional e o universitario arredor das tecnoloxías industriais máis avanzadas, a robótica e da Intelixencia Artificial. A décima edición destes encontros celebrarase do 10 ao 14 de febreiro, novamente na Escola de Enxeñaría Industrial da Universidade de Vigo e unha vez máis impulsadas por Ignacio Armesto, profesor da Área de Enxeñaría de Sistemas Automática da UVigo.

A Competición de Robots da Escola de Enxeñería Industrial de Vigo cumpre dez anos e para celebralo xa está a preparar unha nova edición con novos premios e sorpresas, segundo apunta o director da escola, José Fariña.

O Concello de Ribeira presentou este 15 de xaneiro a programación formativa do primeiro trimestre da 2025 da Aula CeMIT local. A axenda foi debullada polo concelleiro de Novas Tecnoloxías, Francisco Suárez-Puerta e a concelleira de Promoción Económica, Genoveva Betanzos. O programa inclúe probas (o exame EMA), formación en competencias dixitais básicas e avanzadas e capacitación tecnolóxica para os programas de emprego do Concello de Ribeira.

A sede do Centro de Investigación en Tecnoloxías da Información e as Comunicacións (CITIC) da Universidade da Coruña, emprazada no Campus de Elviña, recibiu este mércores, 15 de xaneiro, a visita de dous grupos de estudantes de 4º da ESO do IES David Buján de A Coruña.

O conselleiro de Educación e Ciencia, Román Rodríguez, mantivo este 15 de xaneiro unha reunión en Madrid coa secretaria de Estado de Dixitalización e Intelixencia Artificial do Ministerio para a Transformación Dixital e da Función Pública, María González, para presentarlle o interese de Galicia por albergar unha Fábrica europea de IA (Intelixencia Artificial) centrada nas ciencias da vida e solicitar, así, o apoio do Goberno central.

A chegada dos procesadores Apple Silicon aos Mac supuxo un grande atranco para moitos usuarios, xa que ao pasar a funcionar os equipos con procesadores baseados en arquitectura ARM pechábase a porta a traballar con Windows a través de Boot Camp e coas solucións de virtualización existentes, até que Parallels Desktop conseguiu autorización para utilizar as versións para procesadores ARM de Windows 11 en equipos de Apple.

O servizo de subscrición PlayStation Plus dificilmente podería comezar o ano mellor, xa que entre os xogos que pasarán a formar parte do seu catálogo o vindeiro día 21 destaca poderosamente un dos xogos máis importantes dos últimos tempos, God of War Ragnarök, en versión de PS4 e PS5. Deste xeito, quen deixase pasar un dos títulos de referencia das consolas de Sony poderá agora darlle unha oportunidade.

O Concello de Santiago propúxose sacar do abandono as estruturas en estado de progresivo que, no barrio de Salgueiriños, ían ser destinadas a albergar o parque comarcal de bombeiros. Esta vontade de recuperación logo de décadas de desleixo vén de frutificar no proxecto Factoría Moza, cuxos detalles foron debullados este mércores 15 de xaneiro pola concelleira de Dereitos, Servizos Sociais e Xuventude, María Rozas, e a técnica de Xuventude no Concello, Noela Vilas.

O deputado de Promoción Económica e Social, Pablo Rivera Capón, recibiu este mércores 15 de xaneiro a un grupo de alumnos e alumnas do IES Perdouro, de Burela, que coñeceu a produtora de contidos do Servizo de Audiovisuais da Deputación de Lugo.

A Escola Politécnica de Enxeñaría de Ferrol (EPEF) organiza, en colaboración co Campus Industrial da Universidade da Coruña, unha nova edición da xornada de portas abertas Día da Enxeñaría, dirixida a alumnado de Bacharelato Tecnolóxico e de ciclos de FP Superiores de toda Galicia. A cita será, o venres 14 de febreiro, de 09:30 a 14:00 horas.

Honor trae a Europa un novo smartphone insignia, o Honor Magic7 Pro, que chega ao mercado a un prezo de 1.299 euros (aínda que susceptible de recibir descontos de 200-400 euros), deixando claro que estamos ante un dispositivo de alta gama que busca imporse co seu procesador Qualcomm Snapdragon 8 Elite e o seu apartado fotográfico.

A empresa tecnolóxica Altia, con sede en Oleiros, comezou a colaborar con LearnWise AI, plataforma innovadora que integra un asistente de Intelixencia Artificial personalizado nos sistemas de xestión da aprendizaxe (LMS). A través deste acordo, a galega Altia ofrecerá LearnWise aos seus clientes dentro da súa proposta de servizos educativos, ampliando así a súa oferta tecnolóxica para institucións educativas.

O Consello da Cultura Galega (CCG) pon en marcha un foro participativo, baixo o epígrafe Un país coa súa lingua, a través do cal ofrecer medidas concretas e prioritarias para avanzar na recuperación do vigor do galego. O foro porá o foco en vertentes tecnolóxicas como as plataformas audiovisuais, onde é fundamental, sinalou o CCG, garantir a presenza do galego.

A Cámara da Coruña vai organizar neste arrinque de ano unha nova xornada de transformación: a xornada tecnolóxica Ferramentas e tendencias de dixitalización para pemes en 2025 que permitan aproveitar máis o Kit Dixital. Será este xoves 16 de xaneiro a partir de 10.00 e terá unha duración de arredor dunha hora.

A Cámara da Coruña comezou o ano ofrecendo unha variada oferta formativa dirixida á mocidade rexistrada no Sistema Nacional de Garantía Xuvenil, que permita ás persoas participantes mellorar a súa empregabilidade para facilitar o seu acceso ao mercado laboral.

No mes de maio (o 14, 15 e 16) a maior feira científica galega, Galiciencia, impulsada polo Parque Tecnolóxico de Galicia- Tecnópole (sociedade participada pola Xunta de Galicia) e encamiñada ao alumnado de Primaria, Secundaria, Bacharelato, FP e Educación Especial cumpre 20 anos. Para festexar este aniversario Galiciencia titulou esta 20ª edición: Neurociencia e saúde mental. Cómpre sinalar que esta feira se realiza co apoio da Consellería de Economía e Industria e a Fundación Española para la Ciencia y la Tecnología- Ministerio de Ciencia, Innovación y Universidades.

O ministro do Interior, Fernando Grande-Marlaska, presentou o anteproxecto de Lei de Coordinación e Gobernanza da Ciberseguridade, a proposta do seu departamento e dos ministerios de Defensa e para a Transformación Dixital e da Función Pública.

A empresa tecnolóxica Balidea, con sede principal en Santiago, resultou adxudicataria do Bono Talento Empresa, axuda concedida pola Consellería de Emprego, Comercio e Emigración da Xunta (a través da Subdirección Xeral de Cualificación e Capacidades para o Emprego) para a realización de proxectos formativos de curta duración. A empresa TIC explicou que froito desta axuda, levarase a cabo unha iniciativa de adestramento avanzado de 48 horas de duración dirixida a un equipo de 25 profesionais, todos eles con responsabilidades na dirección e xestión de equipos e proxectos en Balidea.

Tendo en conta que a partir de xaneiro de 2026 as empresas estarán obrigadas a utilizar un software de facturación homologado ao sistema Verifactu da Axencia Tributaria, a empresa galega Caisoft comprometeuse a facilitar aos negocios esta adaptación e por este motivo vén de lanzar API Portal SIF, unha solución deseñada para unha integración sen complicacións de calquera software, xa sexa un ERP, TPV, PMS ou outro sistema de xestión.